Aŋä kukŋui, neqä atqä-awäka änätapkuwi
Goti Iqueqä kukŋuä hiunji tqueŋqe
Iŋi nätmatqä eeqänäŋä imäkäpiyä iuŋi, hmbinyqä maŋä ätnäpu kukŋuä mäkä maqäyäuŋqä, qeiqinyä äpmapu imäkqaŋgpu. He iiŋä äpmeŋuwi, ii he Goti Iqueqä ymeqä jänäŋuenä epu, suqä quvqä hui maeqä, äŋguänäŋä hiätpnä. Itaŋga he kukŋuä häŋä hea ique-ique pmeqä-täŋä iqueŋi, mävquatämäuqä a yäŋänäqŋqä äqätäŋuwi, ii he ämaqä qua täuŋi, suqä äŋgui ävquatämäupu, quvqä du-mända äwätqäŋuwä iuqä awä iqiŋi, he we-huŋqä-täŋä pmetpnä. Iŋi hiunji Kraisi Iqu qua täuŋqä aŋgumä äquvepätqäŋgaŋi, nyi heyaqä suqä iiŋiŋqe, yeeqä aaŋä kiiŋä itmä, näqŋqä tiiŋä emniqe. “Nyi qutä äpmamä wäuŋuä dŋä huqä iqa äpätŋqe, hiŋgi yeemqä itŋqä manä.”
Pilipai 2:14Tä Menya kukŋuä websaitqeyi. Neqä aŋi Minyäma hitaŋga, quae, Molobe, ää qua-naqe, Papuwa Niuŋginiyi (Papua New Guinea). Ne websaitqä tä imäkque, ämaqä Menya kukŋuä-mŋqe, qu, quwqä kukŋui a täuqŋqä näqŋqä ämepu, Goti Iqueqä kukŋuä iutä, kukŋuä huizi-pqetä qätä äwiyäpu, Goti Iqueqä kukŋui, apqä du tqaŋgpqe qätä äwiyäpu, neqä kukŋuiutaŋä witiyo hiŋuä qunatŋqueŋqä yätamäkqä neyätŋqeyi. Ne, neqä kukŋuitä, aeqäqä suqetä yäŋänäqŋqä tqäutŋqä diŋqä yätamäkqä vatŋque.
