Aŋä kukŋui, neqä atqä-awäka änätapkuwi
Goti Iqueqä kukŋuä hiunji tqueŋqe
Itaŋgi ye heyaqä suqä iuŋqä, näqŋqä änyä qe etayäŋgaŋi, ye Goti Hanjuwä Iquenyqä tääqä tii ätqa äpätqäŋue. “Si yätamäkqä vqaŋgti, ga qu Saqä äkiŋqä iuŋqe, Dŋä Äŋguä Iqu kŋuä indqäŋqä näqŋqä huitaŋä-huitaŋä vqaŋguti, näqŋqä aaŋä kuapä-täŋä epiyä.” Ye tääqä iiŋi, he Naqä Iqueqä ämaqä aaŋä naqä-qakuä iqua eäŋuwä-paŋä iiŋä eäpu, heyaqä suqä eeqäpnäŋä iutaŋi, he Iqueŋi, yeeqä iwimäkpŋqeŋqä ätätqäŋue. Ii tiinji. Wäuŋuä äŋguänäŋä huitaŋä-huitaŋä isua, kuapänä imäkäpu, hiqä Goti Iquenyqä näqŋqä kuapänä ämepiyä iuŋi, häukuä witŋqä imäkqäpŋqe.
Kolosi 1:9Tä Menya kukŋuä websaitqeyi. Neqä aŋi Minyäma hitaŋga, quae, Molobe, ää qua-naqe, Papuwa Niuŋginiyi (Papua New Guinea). Ne websaitqä tä imäkque, ämaqä Menya kukŋuä-mŋqe, qu, quwqä kukŋui a täuqŋqä näqŋqä ämepu, Goti Iqueqä kukŋuä iutä, kukŋuä huizi-pqetä qätä äwiyäpu, Goti Iqueqä kukŋui, apqä du tqaŋgpqe qätä äwiyäpu, neqä kukŋuiutaŋä witiyo hiŋuä qunatŋqueŋqä yätamäkqä neyätŋqeyi. Ne, neqä kukŋuitä, aeqäqä suqetä yäŋänäqŋqä tqäutŋqä diŋqä yätamäkqä vatŋque.
