Aŋä kukŋui, neqä atqä-awäka änätapkuwi
Goti Iqueqä kukŋuä hiunji tqueŋqe
Mbqä-qe, yätamäkqä-qe, ä nätmatqä äki-äkitaŋä-qe, huiziu kima vqäŋqe, äpakänä mäwiqä, maqänä qäpu imäkmäutŋqe. Iŋäqe ämaqä huiziuŋqä kiiŋä wiŋqe, qäpu mimäkqä itanä, äpakänä witätŋqetaŋi, ne iqa-iqa uwquatuŋque. Qakui tiiŋä etaŋgiyi. Ämaqä hŋqu, hŋquauŋqä kiiŋä äwinyätŋqe, iqu kukŋuä-suqä eeqänäŋiu qänaknä yasämänä itŋqä iquvi.
Romä 13:8Tä Menya kukŋuä websaitqeyi. Neqä aŋi Minyäma hitaŋga, quae, Molobe, ää qua-naqe, Papuwa Niuŋginiyi (Papua New Guinea). Ne websaitqä tä imäkque, ämaqä Menya kukŋuä-mŋqe, qu, quwqä kukŋui a täuqŋqä näqŋqä ämepu, Goti Iqueqä kukŋuä iutä, kukŋuä huizi-pqetä qätä äwiyäpu, Goti Iqueqä kukŋui, apqä du tqaŋgpqe qätä äwiyäpu, neqä kukŋuiutaŋä witiyo hiŋuä qunatŋqueŋqä yätamäkqä neyätŋqeyi. Ne, neqä kukŋuitä, aeqäqä suqetä yäŋänäqŋqä tqäutŋqä diŋqä yätamäkqä vatŋque.
